இந்திய டெஸ்ட் அணி, ரஹானே, ரோகித் சர்மா, நியூசிலாந்து அணி, Indian Test team, Rahane, Rohit Sharma, New Zealand team

நியூசிலாந்து அணிக்கு எதிரான டெஸ்ட் தொடரில் பங்கேற்கவுள்ள இந்திய அணி வீரர்கள் பட்டியலை இந்திய கிரிக்கெட் வாரியம் வெளியிட்டுள்ளது.

நியூசிலாந்து அணி இந்தியாவுக்குச் சுற்றுப்பயணம் செய்து 2 டெஸ்ட் போட்டிகள், 3 டி20 ஆட்டங்களில் விளையாடுகிறது. டி20 தொடர் நவம்பர் 17 அன்று தொடங்கி, நவம்பர் 21 அன்று நிறைவு பெறுகிறது. டெஸ்ட் தொடர் நவம்பர் 25ம் தேதி தொடங்கி, டிசம்பர் 7 அன்று நிறைவுபெறுகிறது. டி20 தொடருக்கான இந்திய அணி அறிவிக்கப்பட்டுள்ளது. ரோஹித் சர்மா தலைமையிலான அணியில் தமிழக வீரர் அஸ்வின் இடம்பெற்றுள்ளார். மேலும், கோலி, ஜடேஜா, பும்ரா, ஷமி ஆகியோருக்கு ஓய்வளிக்கப்பட்டுள்ளது.

உலகக் கோப்பை அணியில் இடம்பெற்ற பாண்டியா, வருண் சக்ரவர்த்தி, ராகுல் சஹார், ஷர்துல் தாக்குர் இடம்பெறவில்லை. சுழற்பந்து வீச்சாளர் சஹால் மீண்டும் தேர்வாகியுள்ளார். இந்நிலையில் டெஸ்ட் தொடருக்கான இந்திய அணி அறிவிக்கப்பட்டுள்ளது. முதல் டெஸ்டில் விராட் கோலி விளையாடாததால் ரஹானே தலைமையில் இந்திய அணி களமிறங்கவுள்ளது. 2-வது டெஸ்டில் விராட் கோலி அணியினருடன் இணைந்து கேப்டனாகச் செயல்படுவார் என அறிவிக்கப்பட்டுள்ளது.

இதனையடுத்து, ரோஹித் சர்மா, ரிஷப் பந்த், பும்ரா, ஷமி ஆகியோர் டெஸ்ட் தொடரில் பங்கேற்கவில்லை. புஜாரா துணை கேப்டனாக அறிவிக்கப்பட்டுள்ளார். முதல் டெஸ்ட் கான்பூரில் நவம்பர் 25 அன்றும் 2-வது டெஸ்ட் மும்பையில் டிசம்பர் 3 அன்றும் தொடங்குகின்றன.

இந்திய அணி விவரம்: ரஹானே(கேப்டன்), புஜாரா (துணை கேப்டன்), கே.எல். ராகுல் , ரவிச்சந்திரன் அஷ்வின், ஷ்ரேயாஸ் ஐயர், முகமது சிராஜ், மயங்க் அகர்வால், ஷுப்மன் கில், வி.சாஹா (விக்கெட் கீப்பர்) , கே.எஸ்.பரத், ஆர்.ஜடேஜா, அக்‌ஷர் படேல், ஜெயந்த் யாதவ், இஷாந்த் சர்மா, உமேஷ் யாதவ், பிரசித் கிருஷ்ணா..மேலும், விராட் கோலி 2வது டெஸ்ட் போட்டியில் இணைந்து, அணிக்கு தலைமை ஏற்று செயல்படுவார் என தெரிவிக்கப்பட்டுள்ளது.


மற்ற செய்திகள்...
Comments (30)

Be the first to comment

கொரோனா வைரஸ் அப்டேட்ஸ்