vikram movie,kamalhassan,lokesh kanagaraj,panjathanthiram,vikram promo

'பஞ்சதந்திரம்' திரைப்படத்தில் ஐவர் காம்போவாக நடித்து நம்மைக் கவர்ந்த நடிகர்கள் அடங்கிய காட்சிகளைக் கொண்டிருக்கும் விக்ரம் பட புதிய ப்ரோமோ வெளியாகியுள்ளது.

லோகேஷ் கனகராஜ் இயக்கத்தில், கமல்ஹாசன், விஜய் சேதுபதி, ஃபஹத் ஃபாசில், நரேன் ஆகியோர் நடித்துள்ள 'விக்ரம்' திரைப்படம் ஜூன் 3-ல் திரையரங்குகளில் வெளியாகிறது. தேர்ந்த கதையமைப்பின் மூலம் சிறந்த திரைப்படங்களை தமிழ் சினிமாவிற்குக் கொடுத்துவரும் இயக்குநர் என்பதால், லோகேஷின் 'விக்ரம்' மீது பலருக்கும் எதிர்பார்ப்பு அதிகரித்துள்ளது.

இந்நிலையில், கே.எஸ்.ரவிக்குமார் இயக்கத்தில் 2002-ஆம் ஆண்டு வெளியாகி ரசிக்கவைத்த 'பஞ்சதந்திரம்' படத்தில் நடித்து நம்மை வெகுவாகக் கவர்ந்த யூகி சேது, ரமேஷ் அரவிந்த், ஜெயராம், ஸ்ரீமன் ஆகிய நடிகர்கள் அடங்கிய 'விக்ரம்' படத்தின் புதிய ப்ரோமோ வெளியாகி எதிர்பார்ப்பை இன்னும் அதிகரிக்கச் செய்துள்ளது.

'பஞ்ச தந்திரம்' படத்தில் வருவதுபோன்ற நகைச்சுவையான தொலைபேசி உரையாடல் காட்சிகளும், அதில் கமல்ஹாசன் குறித்து விவாதிக்கப்படுவதுமாக ப்ரோமோ அமைந்துள்ளது. படம் குறித்த விளம்பரத்திற்காக இந்த உத்தி கையாளப்பட்டிருந்தாலும், பலரது விருப்பப் படங்களில் ஒன்றான 'பஞ்சதந்திரம்' பட பாணியில் ப்ரோமோ அமைக்கப்பட்டுள்ளது கவரும்படியாக உள்ளது. 

அந்த ப்ரோமோ காணொலி உங்கள் பார்வைக்கு...

முக்கிய செய்திகள்

கொரோனா வைரஸ் அப்டேட்ஸ்