வினோத் குமார் இயக்கத்தில் விஷால் நடித்துள்ள ‘லத்தி’ படத்தின் ட்ரைலர் வெளியானது! 

பரத், வாணி போஜன் நடித்துள்ள 'லவ்' படத்தின் டீசர் வெளியானது!     

விஷ்ணு விஷால், ஐஸ்வர்யா லட்சுமி நடித்துள்ள 'கட்டா குஸ்தி' படத்தின் 2வது சிங்கிளான 'மைக் டைசன்' பாடல் வெளியானது.

வடிவேலு நடித்துள்ள 'நாய் சேகர் ரிட்டர்ன்ஸ்' படத்தின் 'பணக்காரன்' பாடல் வெளியானது.

வடிவேலுவின் நாய் சேகர் ரிட்டர்ன்ஸ் பட வெளியீட்டுத் தேதி அறிவிக்கப்பட்டுள்ளது.

சுராஜ் இயக்கத்தில் வைகைப்புயல் வடிவேலு நடித்துள்ள திரைப்படம் 'நாய் சேகர் ரிட்டர்ன்ஸ்'. முழு நீள நகைச்சுவைப் படமாக உருவாகியுள்ள இப்படத்தில் வடிவேலுவுடன் ரெடின் கிங்ஸ்லி, குக் வித் கோமாளி சிவாங்கி உள்ளிட்டோர் நடித்துள்ளனர். லைகா நிறுவனம் சார்பில் சுபாஸ்கரன் தயாரித்துள்ள இப்படத்திற்கு சந்தோஷ் நாராயணன் இசையமைத்துள்ளார்.

இப்படத்தின் முதல் பாடலான 'அப்பத்தா' அண்மையில் வெளியாகி நல்ல வரவேற்பைப் பெற்றது. இந்நிலையில், இப்படத்தின் வெளியீடு குறித்த அதிகாரப்பூர்வத் தகவலை படக்குழு அறிவித்துள்ளது. அதன்படி நாய் சேகர் ரிட்டர்ன்ஸ் திரைப்படம் டிசம்பர் 9ம் தேதி திரையரங்குகளில் வெளியாகும் என்று அறிவிக்கப்பட்டுள்ளது.

பொன்னியின் செல்வன் படத்தின் ‘அலைகடல்’ பாடலின் Video Song வெளியானது! 

ஜேம்ஸ் கேமரூன் இயக்கத்தில் "அவதார் 2" படத்தின் புதிய டிரைலர் வெளியானது. இப்படம் வருகிற டிசம்பர் 16-ந் தேதி உலகமெங்கும் 3டி-யில் வெளியாக உள்ளது.

சந்தோஷ் நாராயணன் இசையில் வைகைப்புயல் வடிவேலு பாடியுள்ள, ‘நாய் சேகர் ரிட்டர்ன்ஸ்’ படத்தின் 'அப்பத்தா' பாடல் வெளியானது.     

வடிவேலு நடித்துள்ள 'நாய் சேகர் ரிட்டர்ன்ஸ்' படத்தின் முதல் பாடலான 'அப்பத்தா' பாடல் இன்று வெளியாகிறது. 

நீண்ட இடைவெளிக்குப்பிறகு இயக்குநர் சுராஜ் இயக்கத்தில் வடிவேலு கதாநாயகனாக நடித்துள்ள திரைப்படம் 'நாய் சேகர் ரிட்டர்ன்ஸ்'. முழு நீள நகைச்சுவைப் படமாக உருவாகியுள்ள இப்படத்தை லைகா நிறுவனர் சுபாஸ்கரன் தயாரித்துள்ளார். சந்தோஷ் நாராயணன் இப்படத்திற்கு இசையமைத்துள்ளார்.

'நாய் சேகர் ரிட்டர்ன்ஸ்' படம் குறித்த அப்டேட்டுகள் விரைவில் ஒவ்வொன்றாக வெளியாகவிருக்கும் நிலையில், படத்தின் முதல் பாடல் குறித்த அறிவிப்பை லைகா நிறுவனம் தற்போது வெளியிட்டுள்ளது. 'அப்பத்தா' எனத் தொடங்கும் இப்பாடலுக்கு நடன இயக்குநர் பிரபுதேவா நடனம் அமைத்துள்ளார். இப்பாடல் இன்று மாலை 7 மணிக்கு வெளியாகிறது. 

நாய் சேகர் ரிட்டர்ன்ஸ் திரைப்படத்தைத் தொடர்ந்து வடிவேலு தற்சமயம் மாரி செல்வராஜ் இயக்கத்தில் உருவாகிவரும் 'மாமன்னன்', பி.வாசு இயக்கும் 'சந்திரமுகி 2' உள்ளிட்ட படங்களில் நடித்துவருகிறார். 

உதயநிதி ஸ்டாலின் நடித்துள்ள ‘கலகத் தலைவன்’ படத்தின் டிரெய்லர் வெளியானது.

தனுஷ் நடித்துள்ள வாத்தி படத்தின் 'வா வாத்தி' பாடலின் Lyric Video வெளியானது!

மேடையில் நடிகையின் ஆடை குறித்து கமெண்ட் அடித்த நடிகர் சதீஷை கண்டித்து பல பிரபலங்களும் சமூக வலைதளங்களில் கண்டனம் தெரிவித்துவருகின்றனர்.

அண்மையில் 'ஓ மை கோஸ்ட்' திரைப்படத்தின் இசை வெளியீட்டுவிழா சென்னையில் நடைபெற்றது. இதில் அப்படத்தில் நடித்திருந்த சன்னி லியோன், யூடிபர் ஜி.பி.முத்து உள்ளிட்ட பல்வேறு திரைப்பிரபலங்களும் கலந்துகொண்டனர். 

இந்நிலையில், மேடையில் நடிகை சன்னி லியோன் மற்றும் தர்ஷா குப்தா பேச வந்த சமயம், நடிகர் சதீஷ் அவர்களை நோக்கி, "அங்கே பாருங்கள், வெளிநாட்டிலிருந்து வந்திருக்கும் சன்னி லியோன் பாவடை தாவணி அணிந்து வந்துள்ளார். ஆனால் நம் கோயம்புத்தூரிலிருந்து வந்திருக்கும் பெண் எப்படி ஆடை அணிந்துள்ளார் பாருங்கள்" என்று கூறினார். நிகழ்ச்சியில் சன்னி லியோன் பாவடை தாவணி உடையிலும், தர்ஷா குப்தா சுடிதார் உடையிலும் வந்திருந்தனர். 

இதை சற்றும் எதிர்பார்த்திராத நடிகை தர்ஷா குப்தா சதீஷ் பேசுவதைக் கேட்டு ஒருநிமிடம் முகம் வாடினார். தொடர்ந்து பேசிய சதீஷ் விளையாட்டிற்குக் கூறியதாக பேச்சை மடைமாற்றினார். இந்நிலையில், இதற்கு பாடகி சின்மயி, இயக்குநர் நவீன், நடிகை காயத்ரி உள்ளிட்டோர் வலைதளங்களில் கண்டனம் தெரிவித்துள்ளனர். மேலும் நெட்டிசன்கள் பலரும் அவரைக் கண்டித்தும், இதற்கு முன்பாகவும் அவர் இவ்வாறு பெண்களின் ஆடைகள் குறித்து சர்ச்சைக்குறிய விதத்தில் பேசி கமெண்ட் அடித்துள்ள வீடியோக்களைப் பகிர்ந்தும் வருகின்றனர்.

இந்த நிலையில், சதீஷின் பேச்சைக் கண்டித்து ட்விட்டரில் பதிவிட்டுள்ள இயக்குநர் நவீன்குமார், "சன்னிலியோன் திரையில் ஆடையின்றி தோன்றுவதும், கோயமுத்தூர் பெண் மேடையில் என்ன ஆடை அணிய வேண்டும் என்பதும் அந்த பெண்களின் தனிப்பட்ட உரிமை. சதீஷ் சகோ, உங்கள் மனைவி என்ன ஆடை அணிய வேண்டும் என்பதை நிங்கள் முடிவு செய்தாலே அது தவறுதான்" என்று கூறியுள்ளார். மேலும் பலரும் அவரது பேச்சுக்கு வலைதளங்களில் தங்களது கண்டனக் குரல்களைப் பதிவிட்டுவருகின்றனர். 

சற்குணம் இயக்கத்தில் அதர்வா, ராஜ்கிரண் நடிக்கும் புதிய திரைப்படம் குறித்த அறிவிப்பு வெளியாகியுள்ளது.

'களவாணி' திரைப்படம் மூலம் தமிழ் சினிமாவில் அறிமுகமானவர் இயக்குநர் சற்குணம். விமல் மற்றும் ஓவியா நடிப்பில் வெளியாகியிருந்த இத்திரைப்படம் ரசிகர்கள் மத்தியில் பெரும் வரவேற்பைப் பெற்றது. இவர் இயக்கத்தில் அடுத்ததாக வெளியான 'வாகை சூட வா' திரைப்படமும் விமர்சன ரீதியாக நல்ல வரவேற்பைப் பெற்று அந்த ஆண்டிற்கான சிறந்த தமிழ்ப்படத்திற்கான தேசிய விருதையும் பெற்றது. 

அதைத்தொடர்ந்து இவர் இயக்கத்தில் தனுஷ் நடிப்பில் 'நையாண்டி' மற்றும் அதர்வா நடிப்பில் 'சண்டிவீரன்' ஆகிய படங்கள் திரைக்கு வந்தன. இந்நிலையில், இவரது ஐந்தாவது திரைப்படம் குறித்த அதிகாரப்பூர்வ அறிவிப்பை லைகா நிறுவனம் வெளியிட்டுள்ளது.

அதர்வா, ராஜ்கிரண் முக்கியக் கதாபாத்திரங்களில் நடிக்கும் இப்படத்திற்கு 'பட்டத்து அரசன்' எனப் பெயரிடப்பட்டுள்ளது. லைகா நிறுவனம் சார்பில் சுபாஸ்கரன் தயாரிக்கும் இப்படத்திற்கு ஜிப்ரான் இசையமைத்துள்ளார். இத்தகவல்கள் குறித்த ஃபர்ஸ்ட் லுக் போஸ்டரை அந்நிறுவனம் வெளியிட்டுள்ளது. 

உதயநிதி ஸ்டாலின் நடித்துள்ள கலகத் தலைவன் பட 'ஹே புயலே' பாடலின் Lyric Video வெளியானது.

பெண்மை பற்றிய கற்பிதங்களைக் களைந்து பெண்மையைப் போற்றும் அனல் மேலே பனித்துளி படத்தின் ‘எது நான் இங்கே?’ பாடல் வெளியானது; சந்தோஷ் நாராயணன் இசையில் ஆண்ட்ரியா இப்பாடலை பாடியுள்ளார். 

வெளியானது வம்சி பைடிபைலி இயக்கத்தில் விஜய் நடிக்கும் வாரிசு திரைப்படத்தின் First Single

“மானம்-ங்கிறது உடம்புலயோ, போட்ற உடை-லயோ இல்ல… அது நாம வாழ்ற வாழ்க்கை-ல தான் இருக்கு”

வெற்றிமாறன் தயாரிப்பில் ஆண்ட்ரியா நடித்துள்ள ‘அனல்மேலே பனித்துளி’ பட டிரெய்லர் வெளியானது!

பாலாஜி இயக்கத்தில், ப்ரஜின், வித்யா ப்ரதீப், சார்லி நடித்துள்ள ‘D3’ பட டிரெய்லர் வெளியானது. 

ஐஸ்வர்யா ரஜினிகாந்த் இயக்கத்தில் ரஜினிகாந்த் நடிக்கும் புதிய திரைப்படம் குறித்த அறிவிப்பை வெளியிட்டுள்ளது லைகா நிறுவனம்.

சூப்பர் ஸ்டார் ரஜினிகாந்த் தற்சமயம் நெல்சன் திலீப்குமார் இயக்கத்தில் 'ஜெயிலர்' திரைப்படத்தில் நடித்துவருகிறார். இதைத்தொடர்ந்து அவர் லைகா தயாரிக்கவிருக்கும் இரண்டு படங்களில் நடிக்கவிருப்பதற்கான அதிகாரப்பூர்வ அறிவிப்பு வெளியானது. அதில் ஒன்று சிபி சக்கரவர்த்தி இயக்கத்திலும் மற்றொன்று ஐஸ்வர்யா ரஜினிகாந்த் இயக்கத்திலும் என்று பேசப்பட்டது. இந்நிலையில், அதை உறுதிப்படுத்தும் விதமாக அதுகுறித்த புதிய தகவல் ஒன்றை லைகா நிறுவனம் வெளியிட்டுள்ளது.  

இதனடிப்படையில் லைகா தயாரிப்பில், ஐஸ்வர்யா ரஜினிகாந்த் 'லால் சலாம்' என்ற படத்தை இயக்கவிருப்பதாகவும், விஷ்ணுவிஷால், விக்ராந்த் இதில் இணைந்து நடிக்கவிருப்பதாகவும், இதில் சிறப்புத் தோற்றத்தில் சூப்பர் ஸ்டார் ரஜினிகாந்த் நடிப்பதாகவும், இப்படத்திற்கு ஏ.ஆர்.ரஹ்மான் இசையமைப்பதாகவும் அதிகாரப்பூர்வத் தகவலை லைகா வெளியிட்டுள்ளது.

பெயர் அறிவிப்பு போஸ்டரை அடிப்படையாக வைத்துப் பார்க்கையில் இது கிரிக்கெட் விளையாட்டைப் பற்றிய படமாக இருக்கலாம் என்று யூகிக்கப்படுகிறது. ஆயினும் கதை குறித்த தகவல்கள் எதுவும் படக்குழு தரப்பிலிருந்து வெளியாகவில்லை. விரைவில் இப்படத்தின் படப்பிடிப்பு துவங்கும் என்று எதிர்பார்க்கபடுகிறது. 

சக்திவேல் இயக்கத்தில் பரத், வாணி போஜன் நடித்துள்ள 'மிரள்' படத்தின் திகில் கிளப்பும் டிரெய்லர் வெளியானது! 

ஜெய்பீம் திரைப்படம் மூலம் இணைந்த சூர்யா - த.செ.ஞானவேல் கூட்டணி மீண்டும் இணையவிருப்பதாகத் தகவல் வெளியாகியுள்ளது. 

கடந்த ஆண்டு நவம்பர் 2-ல் அமேசான் ப்ரைம் ஓடிடி தளத்தில் வெளியான திரைப்படம் ஜெய்பீம். த.செ.ஞானவேல் இயக்கியிருந்த இப்படத்தில் சூர்யா, மணிகண்டன், லிஜோமோல் ஜோஸ், ரஜிஷா விஜயன் ஆகியோர் முக்கியக் கதாபாத்திரங்களில் நடித்திருந்தனர். சூர்யாவின் 2டி எண்டர்டெய்ன்மெயின்ட் நிறுவனம் இப்படத்தை தயாரித்திருந்தது. ஷான் ரோல்டன் இப்படத்திற்கு இசையமைத்திருந்தார்.

திருட்டு வழக்கு ஒன்றில் குற்றம்சாட்டப்பட்டு காவல்துறையால் கொடுமைக்கு ஆட்படுத்தப்படும் இருளர் இன மக்களையும், அவர்களைக் காப்பாற்றப் போராடும் வழக்கறிஞரின் முயற்சிகளையும் இரத்தம் உறையக் காட்சிப்படுத்தியிருப்பார்கள். இது நீதியரசர் சந்துரு வாழ்வில் நடந்த உண்மைச்சம்பவம் ஆகும்.

முக்கியப் பிரச்சினைகளை அலசியதாலும், உண்மைக்கு மிக நெருக்கமான திரைக்கதை அமைப்பாலும் இப்படம் ரசிகர்களிடையே பெரும் வரவேற்பைப் பெற்றது. மேலும் குறிப்பிட்ட சமூகத்தினரை தவறாகச் சித்தரித்ததாக சில சர்ச்சைகளிலும் சிக்கியது. ஆயினும் பெருவாரியான ஆதரவின் காரணமாக ஜெய்பீம் பெரும் வெற்றிப்படமாக அமைந்தது. 

இந்நிலையில் தான் ஜெய்பீம் வெளியாகி ஒரு வருடம் நிறைவானதையொட்டி, புதிய படம் ஒன்றின் அசத்தல் அப்டேட் வெளியாகியுள்ளது. அதன்படி ஜெய்பீம் படத்தில் இணைந்த சூர்யா - த.செ.ஞானவேல் மீண்டும் புதிய படத்தில் இணைவதாகவும், அப்படம் உண்மை சம்பவத்தை அடிப்படையாக கொண்டு உருவாகவிருப்பதாகவும், அப்படத்தை சூர்யாவின் 2டி எண்டர்டெய்ன்மெயின்ட் நிறுவனம் தயாரிக்கவிருப்பதாகவும் தகவல் வெளியாகியுள்ளது. ஆயினும் இதுகுறித்து அதிகாரப்பூர்வ அறிவிப்பு எதுவும் இன்னும் வெளியாகவில்லை.  

தான் பெண்களைத் தவறான நோக்கத்தில் தொட்டுப் பேசவில்லை என்றும் நட்பு ரீதியாகவே அவ்வாறு நடந்துகொண்டதாகவும் பிக்பாஸிலிருந்து வெளியான போட்டியாளர் அசல் கோளாறு தெரிவித்துள்ளார்.

விஜய் தொலைக்காட்சியில் அக்டோபர் 9-ல் தொடங்கி நடைபெற்றுவரும் நிகழ்ச்சி பிக்பாஸ் சீசன் 6. இந்நிகழ்ச்சியை நடிகர் கமல்ஹாசன் தொகுத்துவழங்கிவருகிறார். எல்லா சீசன்களைப் போலவே இந்த சீசனிலும் பலதரப்பட்ட பின்புலங்களையும் துறைகளையும் சேர்ந்த 22 போட்டியாளர்கள் கலந்துகொண்டனர். இதில் முதல்வார எவிக்ஷனில் நடன அமைப்பாளர் சாந்தி வெளியேறினார். அதன் பின் மகனின் உடல்நிலை காரணமாக பிரபல யூடியூபர் ஜி.பி.முத்து தாமாக வெளியேறுவதாகக் கூறி பிக்பாஸ் வீட்டிலிருந்து வெளியேறினார்.

இதைத்தொடர்ந்து சென்ற வாரம் கானா பாடகர் அசல் கோளாறு பிக்பாஸ் வீட்டிலிருந்து வெளியேறினார். போட்டிகளில் முடிந்தவரை தன்னுடைய பங்கை சரியாகவே அளித்துவந்த அசல், வீட்டிலிருந்து வெளியாக முக்கியக் காரணம் அவர் பெண்களிடம் நடந்துகொண்ட விதம்தான்.

ஆரம்பத்திலிருந்தே பிக்பாஸ் பெண் போட்டியாளர்களை தொட்டுப் பேசுவது, அவர்களுடன் இயல்புக்கு மாறாக நெருக்கத்துடன் பழகுவது, அவர்கள் மீது சாய்ந்து கட்டிப்பிடிப்பது என்று அசல் எல்லை மீறியது வெளியில் பெரும் எதிர்ப்புகளைச் சம்பாதித்தது. அவர் வீட்டிலிருந்த கடைசி சில நாட்களில் போட்டியாளர் நிவாஷினியுடன் காட்டிய நெருக்கம் காண்போரை முகம்சுழிக்கவைத்து அவரை வெளியேறவும் வைத்துவிட்டது.

இந்நிலையில், போட்டியிலிருந்து வெளியேறிய அசல், தான் சில யூடியூப் சேனல்களுக்குக் கொடுத்த பேட்டிகளில் தனது இயல்பே அப்படித்தான் என்று கூறி அதிர வைத்துள்ளார். பிக்பாஸ் வீட்டில் அவர் நடந்துகொண்டது பற்றி பேட்டியில் அவரிடம் கேட்டதற்கு, "நான் சிறுவயதிலிருந்தே அப்படித்தான். என்னைப் பொறுத்தமட்டில் வீட்டில் இருப்போரிடம் எப்படி தொட்டுப் பேசி பழகுவேனோ அப்படித்தான் பிக்பாஸ் பெண் போட்டியாளர்களிடமும் பழகினேன். அதில் தவறு இருப்பதாக எனக்குத் தெரியவில்லை. அது நட்பு ரீதியான பழக்கமே தவிர வேறில்லை. அதனால் தான் அப்போட்டியாளர்களும் என்னை அவர்களுடன் நெருங்கிக் பழக அனுமதித்தனர். நான் நடத்துகொண்ட விதம் மக்களிடையே தவறாக பிரதிபலிப்பாகும் என்று நான் நினைக்கவில்லை. ஆயினும் நான் வெளியாக இதுதான் முக்கியக் காரணம் என்று தற்போது புரிகிறது. பிக்பாஸ் வீட்டிற்கு மீண்டும் செல்லும் வாய்ப்பு கிடைத்தால் நிச்சயம் மக்கள் எதிர்பார்ப்பது போல் விளையாடுவேன்" இவ்வாறு தெரிவித்துள்ளார்.

இயக்குனர் யுவன் இயக்கத்தில் சன்னி லியோன், யோகி பாபு, சதீஷ் நடித்துள்ள ஓ மை கோஸ்ட் (OMG) திரைப்படத்தின் ட்ரைலர் வெளியானது. 

வசந்தபாலன் இயக்கத்தில்  அர்ஜுன் தாஸ் நடித்துள்ள  'அநீதி' திரைப்படத்தின் திகட்ட திகட்ட காதலிப்போம் பாடலின் லிரிக்கல் வீடியோ வெளியானது.

ராகவா லாரன்ஸ்  நடித்துள்ள 'ருத்ரன்' திரைப்படத்தின் Glimpse video வெளியாகியுள்ளது.

செம்பி பட இசை வெளியீட்டு விழாவில் அப்படத்தின் கதாநாயகன் அஷ்வின் பேசியது இணையத்தில் வைரலாகி வருகிறது. 

பிரபுசாலமன் இயக்கத்தில் தயாராகியுள்ள திரைப்படம் செம்பி. இதில் நடிகை கோவை சரளா, குக் வித் கோமாளி அஷ்வின் குமார் உள்ளிட்டோர் நடித்துள்ளனர். இப்படத்திற்கு நிவாஸ் கே.பிரசன்னா இசையமைத்துள்ளார். இந்நிலையில், இப்படத்தின் இசை வெளியீட்டுவிழா நேற்று நடைபெற்றது. இதில் பிரபு சாலமன், கோவை சரளா, கமல்ஹாசன், கே.எஸ்.ரவிகுமார் உள்ளிட்டோர் கலந்துகொண்டனர்

இதைத்தொடர்ந்து பேசிய அப்படத்தின் கதாநாயகன் அஷ்வின், "எனக்கு படம் பண்ணுவதே பெரிய பாக்கியம். கனவாக மட்டுமே நினைத்துக் கொண்டிருந்தது நிறைவேறியுள்ளது. பிரபு சாலமன் சார் இந்த படத்தை இயக்குகிறார் என்று சொன்னதுமே நான் படத்திற்கு ஓகே சொல்லிவிட்டேன். இதற்காக தயாரிப்பாளர் ரவி சாருக்கு நன்றி தெரிவித்துக் கொள்கிறேன். முதல் படமும் எனக்காக அவர் பார்த்து பார்த்து பண்ணினார். பிரபு சாலமன் சாரின் படங்களைப் பற்றி நான் சொல்லவேண்டியது இல்லை. தமிழ்நாட்டிற்கே அவரது படங்களைப் பற்றித் தெரியும். எனக்கு அவர் மேல் பெரிய நம்பிக்கை இருந்தது. 

பிரபு சாலமன் சாரை நேரில் பார்த்தபோது இந்த கதை உங்களுக்கு ஓகேவா சார் என்று கேட்டேன். அவரது படத்தில் இருப்பதே பாக்கியம். இந்த படத்தின் ஷூட்டிங் போகும்போது எனது ட்ராவல் ரொம்ப மோசமாக இருந்தது. அப்போ நெறய பேர் எனக்கு... தேங்க் யூ ஆல். எல்லோரும் இங்கு வந்ததற்கு மிக்கநன்றி.

கமல் சார் பக்கத்தில் நிற்பதற்கு பாக்கியம் வேண்டும். அவர் பண்ணாத படங்கள் இல்லை. அவர் இருக்கும்போது எனக்கு என்ன சொல்வதென்றே தெரியவில்லை. உலகம் முழுவதும் கமல் சாரை லவ் பண்றாங்க. அவர் இங்கு இருக்கும்போது இந்த மேடையில் பேச எனக்கு தகுதி இல்லை என்றுதான் நான் ஃபீல் பண்ணுகிறேன். தேங்க் யூ சார். லவ் யூ சார்" என்று பேசி முடித்தார். 

இதற்கு முன்னதாக 'என்ன சொல்ல போகிறாய்' படத்தின் இசைவெளியீட்டு விழாவில், "நான் கதை பிடிக்கவில்லை என்றால் தூங்கிவிடுவேன். இதுவரை 40 கதைகளைக் கேட்டுத் தூங்கியுள்ளேன்" என்று அவர் பேசியது பெரும் சர்ச்சையை ஏற்படுத்தியது. இதனால் அவர்மீது கடும் விமர்சனங்கள் வைக்கப்பட்டன.

இந்நிலையில் தான், நீண்ட இடைவெளிக்குப்பிறகு செம்பி இசைவெளியீட்டுவிழாவில் அவர் பெரும் பக்குவத்துடன், யோசித்து யோசித்துப் பேசியது முந்தைய அனுபவங்களின் வாயிலாக அவர் பொது மேடையில் எவ்வாறு பேசவேண்டும் என்று கற்றுக்கொண்டதைக் காட்டுகிறது. ஆனால், இதையும் சிலர் சமூக வலைதளங்களில் விமர்சித்து வருகின்றனர். 

கார்த்திக் இயக்கத்தில், அசோக் செல்வன், அபர்ணா பாலமுரளி, ரித்து வர்மா நடிப்பில் சில்லிட வைக்கும் நித்தம் ஒரு வானம் படத்தின் டிரெய்லர் வெளியானது.