Tamil News

சகாயம் ஐஏஏஸ் தனது 23 ஆண்டு பணிக்காலத்தில் 24 முறை பணி மாற்றம் செய்யப்பட்டுள்ளார். ஓய்வு பெற இன்னும் 3 ஆண்டு இருக்கும் நிலையில் விருப்ப ஓய்வுக்கு விண்ணப்பித்துள்ளார்.

சகாயம். இந்த பெயரை உச்சரிக்காத நபர்களே இருக்க முடியாது என்றே கூறலாம். மதுரையில் கலெக்டராக இருந்த சகாயம், கிரானைட் ஊழலை வெளிக் கொண்டு வந்தவர். கிரானைட் மற்றும் கனிம மணற் கொள்ளை பற்றி விசாரிக்க இவர் தலைமையில் விசாரணைக்குழு அமைத்து சென்னை உயர் நீதிமன்றம் கடந்த 2014ம் ஆண்டு செப்டம்பர் 11ம் தேதி உத்தரவிட்டது. இந்த உத்தரவை ரத்து செய்யக் கோரி தமிழக அரசு சீராய்வு மனு தாக்கல் செய்தது. அதைத் தள்ளுபடி செய்த சென்னை உயர்நீதிமன்றம் தீர்ப்பு வெளியாகி 4 நாட்களுக்குள் குழு அமைக்க வேண்டும் என்று உத்தவிட்டது.